Eş-Şeyh El-Hac Mustafa İsmet Efendi'nin hayatında
yedinde mülkü iken müteveffa-i mumaileyh hal-i hayat
ve sıhhatinde menzil-i mahdud-u mezkurunu zaviye
eyleyup, derununda Tarikat-ı Aliyye-i Nakşibendiyye-i
Halidiyye uslubu vechile zikr ve tesbih olunmak
üzere vakf idüp...
...Hulefa ve müridanın
intihabı ile tayin olunacak kimesneye ve dahi süknâsı
dahi müvekkilem mumaileyha Adviye Hanıma ve
meşihatı dahi oğlum sağir mumaileyh Abdullah Behaeddin
Efendi'nin sinn-i rüşde bi'l-vusul kesb-i liyakatle
müridan canibinden tasdik-i kabul oluncaya
değin tarafından bi'n-niyabe idare olunmak üzere
ekseriyet-i aran-ı müridan ile intihab olunacak
kendi hulefasından bir zat idare edip mumaileyh
Abdullah Behaeddin Efendi ber minval-i muharrir
kesb-i liyakatle müridan tarafından tasdik
ve kabul olundukta mumaileyh Abdullah Behaeddin
Efendiye ve ba'de vefatihi müridan intihabı
ile kezalik kendi hulefasından bir zata ve
kendi hulefası inkırazından sonra kezalik müridan
intihabıyla mutlaka Tarikat-ı Aliyye-i Nakşibendiyye-i
Halidiyye hulefasından münasib bir zata tevcih
oluna deyu şart ve tayin idüp ilan olundu...
