|
Nazenin-i halvet-i mevla habib-i kibriya
Sırr-ı sübhanellezi esra habib-i kibriya
Şehnişin-i arş-ı a'la ferş-i pay-ı devleti
Tacdar-ı taht-ı ev'edna habib-i kibriya
Akl-ı evvel Kays sergerdanı olmuş aşkının
Vasf-ı zatı abdihi leylen habib-i kibriya
Cevher-i gül şule-i idrakinin hak islteri
Pertev endaz dil-i dana habib-i kibriya
Ravza-i cennette tuba kaddinin üftadesi
Saye bahş-ı alem-i bala habib-i kibriya
Refref-i ikbaline sidre değildir sedd-i reh
Şehsüvar-ı lamekan-ı peyma habib-i kibriya
Feyzinin yek lem'asındandır yed-i beyzada tam
Destgir-i Hazret-i Musa habib-i kibriya
Şebçerağ-ı kubbe-i iclali çeşm-i Cebrail
Hayresaz-ı dide-i bina habib-i kibriya
Yerde gökte zinde-i şevki olup bin can ile
Çağrışırlar Hızr ile İsa habibi kibriya
Zat-ı paki mazhar-ı levlakdir ol hazretin
Ba'ıs-i dünya ve ma fiha habib-i kibriya
Oldu engüştü medar-ı inşirah-ı sadr-ı bedr
Rehnüma-yı mihr-i nur efza habib-i kibriya
Mağfiretcudur şefaathahdır Memduh-ı zar
Ya ilahe'l alemin ve ya habib-i kibriya
|
