|
...............................
Doldurup ben de kasemi edeyim
Bab-ı sıddiki caygah-ı karar
Ol ki mahsus-u zat-ı akdesidir
Alem-i sıdk ve kişver ikrar
Ol ki şanında hak buyurmuştur
"Saniyesneteyni izhüma fi'l gar"
Mazhar-ı vasf-ı inne ekrameküm
Şem'-ı mihrab-ı Ahmed-i Muhtar
Varis-i kül, halife-i a'zam
Haris-i din-i seyyidi'l-ebrar
Saf şikaf-ı cihad-ı ekber-i nefs
Nize endas-ı dide-i küffar
Saf-ı mir'at-ı suffe-i tasdik
Gark-ı envar-ı devlet-i didar
Padişah-ı avalim-i tecridw
Zib-i taht-ı memalik-i esrar
Öyle şah kim henüz bittazim
Namina hutbe olunur tekrar
İbret erbabı gerd-i payinden
Gûş eder "Bienneke ya üli'l ebsar"
Sayhası bir şehide verdi hayat
Kim eder bu kerameti izhar
Ne veli kim rızasını etti talep
Cebrail ile Hazret-i Gaffar
Ne veli kim olup hazır bedûş
Varını kıldı hak için israr
Bu reyya giydi kudsiyan-ı behişt
Eyleyip terk-i hulle-i zertap
Bir Süleyman deyü bend iken
Taş tutardı dehanı hatemvar
İhtiyar-ı sükûn ederse nola
Söyleşirdi hüda ile her bar
Gülşen-i eymen-i muhabbettir
Ruh-ı Musa o bağa nahl-i enar
Meescid-i akdes-i hidayettir
Yed-i beyza ana sütün-ı menar
Allah Allah cevahir-i ervah
Dest-i pakinde sübha-i ezkar
Saye saza ve çare peraza
Ey meded kister-ı sıgra-ü nizar
Hamd-ü lillah rahik-ı nisbetten
Mest-ü medhüşdür bu sine fikar
Sekeratında cam-ı kevser sun
Hulde mestane eylesün reftar
Ta ki pür cûşolup seher hizan
Saagar-ı aşkla ola mihvar
Ol mübarek revan-ı hazretine
Haktan ersin selam mley-ü nehar.
|
